مـــنـــتــــدى اســــــــرار الــــبــــنـــــــــــات

منـــتــــدى لــلــبــــنـــــات

دخول

لقد نسيت كلمة السر



المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 16 بتاريخ الثلاثاء يونيو 18, 2013 3:24 pm
المواضيع الأخيرة
» جدييييييييد الدبيلة
الجمعة مارس 28, 2014 6:22 pm من طرف Salem twit

»  برشلونة لايخسر مع بوساك
السبت يناير 07, 2012 4:29 pm من طرف خيال الامس

» انا عضوة جديدة
السبت يناير 07, 2012 4:25 pm من طرف خيال الامس

» اكتب اسمك و اسم حبيبك على صورة رقيقة
السبت يناير 07, 2012 4:25 pm من طرف خيال الامس

» *(( لاتبخل على والدتك بقراءه هذا الدعاء ))*
الثلاثاء نوفمبر 08, 2011 1:29 pm من طرف inoich

» حفظ القرآن الكريم
الثلاثاء نوفمبر 08, 2011 1:04 pm من طرف inoich

» مجموعة ألغاز 2011
الإثنين نوفمبر 07, 2011 6:54 pm من طرف inoich

» الغاز صعبة
الأربعاء نوفمبر 02, 2011 3:50 pm من طرف خيال الامس

»  هل جربت البكاء قبل النوم ؟
الخميس أكتوبر 13, 2011 10:03 am من طرف Sasou el Barçawia

بحـث
 
 

نتائج البحث
 


Rechercher بحث متقدم


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ليت القدر ماجمعنا أقارب.......................

اذهب الى الأسفل  رسالة [صفحة 1 من اصل 1]

1 ليت القدر ماجمعنا أقارب....................... في السبت يونيو 11, 2011 10:23 am

حميد19



((ليت القدر ماجمعنا أقارب لجل نجتمع عشاق))
أكيد ألكل يتسائل وش معنى الموضوع لاكن بتفهمونه إذا قريتو القصه...

كان عمري 7 سنوات وأسمي أمل وبذاك الوقت
كانت كل فتره يجتمعون قرايبي كلهم
وكنت أنتظر هاللحظه على أحر من الجمر,,
والسبب طفل عمره ثلاث سنوات أسمه نايف كنت احبه حب أطفال كله برائه وطهاره,,
أحب اللعب معه وأتهاوش معه أدزه ويدزني يشد شعري وأعضه يعني كان كل همنا نلعب وبس ,,
ولما يجي وقت روحته أسرق نعاله وأخبيهن لجل يجلس معي أكثر ولو لحظات,,



كبرنا شوي وصار عمري 10 سنوات وعمره 6 سنوات والحال مازال مابينا ,,
بس هو مال شوي لفطرته الي الله خلقها عليه يعني صار يحب اللعب بالكوره والسيارات والخشونه,,
وانا مازلت احبه وأحب اني اللعب معاه زي أول بس ماكان يلتفتلي كنت أراقبه من بعيد ينادوني البنات الي بعمري تعالي العبي معنا ترا بنلعب حريم وطبعاً عاد هذي كانت لعبتي المفضله ولا كنت اهتم لهم بس عشانه كان موجود,,
حتى أذكر مره طاح في بيتنا على أثمه وتعور ونزف وأخذوه للمستشفى وأنا بذيك اللحظه لاتشوفوني أذكر رحت تغبيت ورا باب المقلط وقعدت أصيح من قلب وكأني أنا الي متعوره مو هو ليــــــــــــن دخت ونمت,,
وقعدت أسبوع نومي كله أحلام وكوابيس ليش إني شفت الدم نازل منه
عاد أدوخت أمي بالأسئله
يمه طاب؟؟
طيب دقيتي على أمه وسألتيها عنه؟؟
قوليلي متى بيجونا مره ثانيه؟؟
طيب اذا جو بيجي معهم والى لا؟؟
وبتلت أسئلها لين سفحت علي الرموت وهجيت عنها وبدت الأسئله تنطرح على أختي مره ثانيه لين هزئتني ((أحس اني أنواع القلق والبثاره)) ,,




صار عمري 12 وهو8 سنوات بس تدرون وش الغريبه بالموضوع أني أكبر منه بأربع سنوات ومع ذلك أفضله على الكل وهو بصراحه بدت معاملته لي تكون سطحيه يعني يلعب معي لأني كنت أصغر أخواتي بذاك الوقت ولأني أنا الوحيده الي أعطيه وجه بحكم أني أحبه,,
تطورت العابنا عاد من حبيش وواحد طش للدكتور ومطارحه ~ومطارحه يعني من يسدح الثاني على الظهر~
أذكر كنت الدكتوره وهو المريض وكنت دايم أخليه عندي بالعياده أطول من غيره وأقعد أشربه بأبر هالفيمتو وأحط عليه منديل مربص بماء وأحوسه بس عشان يقعد عندي أطول وأخلي مراجهعته بعد خمس دقايق عشان بس يرجعلي مره ثانيه,,
لا عاد اذا جت لعبة المطارحه بحكم أني أكبر منه أطرحه على طول وأبتل فوقه
أسهى وأسرح بنظرات عيونه وأنتعش اذا لاطفتني أنفاسه وأحس بدفء جسمه بعد حماس اللعب وأستااااااااااانس,,
وتنقطع كل هالأجواء الرومنسيه بصرخة البزارين أمل فازت أمل فازت وأتمنى إن هاللحظه تنعاد كل دقيقه وأعيشها معه وأتأمله بس,,
وإذا لعبنا حريم عاد على طول أختاره هو زوجي وكنت بذاك الوقت أتمناه فعلا زوجي وأبو عيالي وكنت دايم أفكر إذا كبرت أعترفله بحبي له ونتزوج ونعيش عائله سعيده مدى الحياة,,



جياتهم لنا قلت وصرنا ماعد نشوفهم الا كل عيد أو مناسبه بسبب خلافات عائليه
صرت أحن له أفكر فيه أشتاقله
وأحتري جيته,,
وفي يوم من الأيام وصدفه رنة سماعت التلفون ردة أمي
السلام عليكم..
الحمدلله بخير بشريني عنكم؟؟
وينكم من زمان لاحس ولا خبر!!
ايه الله يعينكم يارب هالدنيا مشاغلها كثيره,,
بشريني وشلون العيلان ؟؟
االله يهديهم يارب ويصلحهم ويجعلهم من حفظت القرآن..
لا والله مارح نطلع من البيت حر ومووت وش نطلع له!,
اللـــــــه يحيكم هذي الساعة المباركه ,,
متى بتجون؟؟
أجل نحتريكم الله يحفظكم ,,
يبلغ انشاءالله مع السلامه....
كنت جالسه عند أمي وما أمداها تسكر السماعه إلا ماتشوفين غير غباري رحت أخبر أخواتي وبفرحهم
بحكم انهم عايشين بالقصيم وحنا بالرياض ولا نشوفهم كثير,,,
نزلت لم أمي يمه قوليلي وش ألبس الفستان هذا والا البنطلون هذا؟؟
يمه بيجي معهم نايف والا؟؟
التفتت لي وقالت أي نايف :
قلت يمه تتغيبين مهب جاي نايف وأهله اليوم توك مسكره السماعه منهم هههههه شكلك نسيتي,,
ضحكت أمي وقالت الله يخلف عليك هذي أم جيرانا تبي تجي هي ومرة ولدها بيسلمون ويروحون,,
لاتشوفوني بذاك الموقف كنكم كابين علي قدر ماء حار,,
مدري منين أجيها من فشيلتي من أمي وأخواتي ولا ضيقة صدري على التعشم الي تعشمته بجيت نايف,,
آآآه ذاك الموقف مارح أنساه طول حياتي,,



كبرت وصار عمري 14 وعمره10 سنوات وبعدها فهمت الدنياء وفهمت وش معنى زوج ووش معنى حبيب وعرفت الحرام وعرفت الحلال,,
وخلاص نايف ماعد يجي الى بالأعياد وكنت أحتريه كل سنه عشان أشوفه وأجلس معه وأسولف له,,
جاء رمضان وقرب العيد وخلص رمضان ويابطء مايجي وياسرع مايطلع الله يشرفه واذا طلع اقعد أحتريه من ثاني يوم من عيد الفطر مثل ماأحتري نايف وأفرح بشوفته وجيته لنا,,
التاريخ : 1/10/1425 الساعه 4 فجراً من صباحية العيد تعالو شوفو الأزعاج عاد عند البنات,,
شوفي لبسي ماأعجبني ماشريته الى أمس..
لا عاد أنا من زين شعري منفوش الله لايحللها هالكوفيره مااستشورته زين..
يووووه الشغاله حرقت بلوزتي وش اسوي الحين..
تعالي انتي جيبي وصلة الاستشوار..
لاااااااا حرقت الوفير خلاص منيب متعيده معكم (وتلقينها أول من ينزل وتاخذ عيديتها)
ابي عطر ماجبت من يعطيني بس عاد ابي فرنسي ماركه حلوه(طرار الناقري ويتشرط)
المهم على كذا لين تجي الساعه 7 الصباح الكل ينزل بكامل زينته وماتشوفين الى هالحلاو بجميع أشكاله والشوكلاته (الله يعين الي يسوي حميه)والعشرات الي توزع على الكبير والصغير والباب مايوقف من الزوار (مشاءالله)
عاد أول من يستقبلني جديدتي" الله يغمد روحها الجنه ويرحمها ويعفو عنها " تعالي يابنيتي وش هالزين وش هالزين عاد الراس يكبر وأبدا انسف بهالشعر وأموق بنفسي تعالي خوذي حقاقتس وهذي بعد دراهم لتس ايه تستاهلين وخوذي هالريالات وزعي على البزارين وخليهم يدعون لي,,
ويبدون هالبزارين واحد ورا الثاني يستعرضون
خالتي أموله حلو فستاني وتدلي تدور لين أدوخ وأصرفها يهبل تجننين روحي بس وين البندول ههههه دوختني..
يجي الثاني عميمه حلو سكلي عاد لابس ذاك الثوب والغتره والعقال والجزمه السودا وبكامل شخصيته بس مدري وشلون إنقلب المرزام ورا وأقعد أعدل فيه وأزينه وأسحب فيه وأنا متحمسه وداخله جو بغترته,,
أنزل عيوني وما أدري الى مصنع شوكولاته على حجري أثاري زين الحلايا بيدينه شوكولا ومسحه كله فيني وحاسني وأعطيه ذاك الكف الي طيره هناك وأقوم وأقعد أغسله ساعه..
عقبها صار كل من جاني من البزارين يوريني شخصيته أقوله وعععععع وش هالملابس لين حرمو يجوني أحسن فكه,,



رن جرس الباب وتجاهلته توقعته وحده من أخواتي ولا من أقاربنا,,
وسمعت أهلي يهلون ويرحبون وكنهم مستغربين بجيتهم وشفت أيد طفل صغير من يساري ممدوده لي لفيت وجهي لقيتها أخت نايف الصغيره!!
تقولي كل عام وأنتي بخير ..
شهقت شهقه كل الحضور قعدو يطالعوني بإستغراب وتعجب!!!
رديت عليها ياهلا والله ياهلا وغلا وأنتي بخير حبيبتي وين أهلك؟؟؟
قالت برا يسلمون عليهم,,
طلعت برا وقعدت أسلم عليهم واحد ورا الثاني وقلبي ملهووووووف يدور الغالي وينه وينه أشتقتله حيــــــــــــــــل..
جاء دوره وقلبي كان يدق مليون وعيوني مافارقت عيونه وكان قلبي يحكي بس لساني ماينطق ,,
وينك حبيبي ,, طولت غيبتك,, ولهت عليك,, آآآآآآآآآآآه لوتدري قد أيش أحبك,, تعال قرب لمي أحس فيك وأشم ريحتك,,
خلااااااااااااص اليوم بعترفلك أني أحبك ومابي تبعد عني مره ثانيه فديتك لاتعذبني بفرقـــــــــــــاك...
مد أيده لي ونسيت كلام قلبي ونطق لساني ب هلا وغلا كيف حالك؟؟
رد طيب الحمدلله,,
أنتي وش أخبارك؟؟
هاوشته أمه :
عيب عليك تتكلم معها كذا إلى متى وأنا أعلمك طلعت شايب وأنت ماتعرف تقول (((ياعمــــــــــــــــه)))
!!!!!!!!
,,
بس لحظه كيف عمري مافكرت انه ولد أخوي؟؟!! هذا ولد أخوي ,,ماأصدق ,,يمكن عشانه مانشوفه كثير,,أويمكن عشانه ماعمره قالها لي,, بس هذا كله مومهم الحين أنا حبيته وأبيه وماأبي غيره...
وعيت من الصدمه وهو يقول:
وش اخبارك ياعمه؟؟
قلبي رد ,,
لالا لاتقول ياعمه خلك زي أول قولي أموله لاتكبر خلك صغير ولا تتعلم تقولها حراااااااااااااام عليك تعذبني ,,
كل ماقلتها تجرح قلبي أكثر وتزود عليه ملح وتخليني أصارع همي وألمي ,,
ليه ياقدر خليت قلبي يتعلق بولد أخوي؟؟
الله يجازيك ولايسامحك ياغرام ليه تحب تعذب ضحاياك؟؟
ليه دايم توقعهم بفخك وتروح وتخليهم يتعذبون ويتألمون؟؟
ليه تجمعهم ببعض مادامك بتفرقهم؟؟
ليه لما تشوف أثنين مبسوطين مع بعض مثل عصافير الحب مجتمعين ومستانسين وعايشين حياتهم ليـــــــه تحطمهم وتشتت فرحتهم وتخلي حياتهم كلها ذكرايات وحبهم من الماضي؟؟
ليه كل أثنين يحبون بعض حياتهم كلها تعب,,وهم,,وتفكير,,وهواجيس,,وتمنيات,,وآمال,,؟؟
ليه تعيشهم لحظة فرح وسنين عذآآآآآآآآآآآآآآب؟؟
ليه و ليه وليه وليه ليـــــــــــــــــــه ياغرام ياحب ياعشق ليـــــــــــه؟؟
ههههههههههههههههههههههه عمته!!!!!!
نسيت كل شيء وتركت كل شيء تركتهم وركضت ركضت ركضت صرت أشوف الدنياء صفراء خلاص ماعد أفرق بين حوش وصاله ومقلط رحت للدرج ورقيت فوق وأنا أردد أنا عمته عمته عمته بس أحبه والله أحبه أحبه ..
تنبهت ولقيتني بالسطح رجعت نزلت مره ثانيه مثل المهبوله دخلت الحمام فتحت الدش قعدت تحته فتحت الحار وقعدت تحته والله العظيم من شدت حرارة الماء صرت ماعد أشوف الحمام صار كله ضباب ومع كل هذا ماحسيت من الصدمه الي فيني,,
لما دخلت الحمام كانت الساعه 10 الصباح وطلعت الساعه2 الظهر
وكل الوقت هذا تحت الماء أصيح صياح طفله فاقده أمها وتبي ترتمي بأحضانها وتنااااااااااااام وتحلم أحلام سعيده كلها فرح وسعاده,,

آآآه يالفرح والسعاده آآآآآآه ياني فقدتها فقده مو غريبه,,
راحو وخلص العيد وكان كل يومي ذاك هم في هم في هم ,,


بعد ذاك العيد خلاااااااص كنت أشوف أخوي كل سنه تقريباً بس وكان يجيب معاه أخوه الكبير وهو ماكان يجي أبد ولا أدري وش الأسباب,,
تدرون متى شفته؟؟
شفته بعزاء أبوه الي هو أخوي الله يرحمه وكانت هذي الصدمه ثالث صدمه مرت علي بحياتي,,
الأولى صدمتي بحبيبي,
الثانيه وفاة جدتي ,
الثالثه وفاة أخوي,
وكانت هذي أول مره أشوفه بعد العمر هذا ,,
وصار عمري 20 وهو16
كبرت وكبر وتغيرنا وماتغير حبي له بالعكس زاد شوقي وحنيني له,,
شفته لاكن ماسلمت عليه ولاعزيته لأنه طلع من البيت بسرعه وكان بحاله يرثى لها بعد وفاة أخوي الله يرحمه,,
وبعدها بشهرين رحنا حنا لبيتهم وسلمت عليه وكحلت عيني بشوفته سولفت معه وضحكنا على أنفسنا لما كنا صغار كان يذكرني وأنا أضحك ويذكرني بأبرة الفيمتو الي كنت أعطيهياه ههههههههههه كانت أيام حلوه ليتها تنعاد لو لحظه بس وأعيشها بطولها وعرضها ,,
عاد كنا نبي نطلع حنا والأهل بعدها بيوم للمخيم كان لأخوي ببريده وكانت الأجواء حلوه مره وعزمته ووافق يجي الحمدلله بعد الإصرار مني ومن أمي,,
ورحنا للمخيم وكنت متراهنه أنا والبنات على جيته هم يقولون مارح يجي وأنا اقول قلبي دليلي بيجي,,
وفعلاً بعد ساعه جاء وكانت عيوني عليه رحت لمه بخطى خفيفه وكني كنت أطير له صافحته وقعدت امشي أناوياه وندردش مع بعض آآآآآه كانت الدقيقه تمر لحظه معه وكانت الريح كل ماهبت تجيب ريحة عطره معاها آآآآه أسعد لحظه عشتها بحياتي,,
جاء وقت الغداء نادوه وراح وراح قلبي معاه وكانت هذي آخر مره شفتها فيه من 4 أشهر...

وعقبها عرفت كثير شباب حبوني وطلبو مني الزواج ورفضت عشانه,,
تقدمولي خطاب كثير على علم وجاه ومال ورفضت عشانه,,
ولو أضل عانس رح أضل عشانه ,,
حبيته وماأتخيل نفسي مع واحد ثاني غيره,,
وأدري أنه ولد أخوي وحلالي لاكن مابي الزواج عشانه بس,,
كنت ماأعرف الحب وماأؤمن فيه لاكن لماشفت حالتي عرفت أنه لسى فيه ناس تحب بضمير والدليل أني حبيت ولد أخوي,,,.....
والله يجمعني فيه بالدنياء وبالآخره ياااااااااااااااااارب......
((( القصه حقيقيه ميه بالميه وأتمنى الي يقراها يصدقني ويحس فيني ويتخيل لو إنحط بيوم من الأيام بموقفي وش رح يسوي))


2 رد: ليت القدر ماجمعنا أقارب....................... في الأربعاء يونيو 15, 2011 4:41 pm

الــرومآنــسي

avatar
نائب المدير
نائب المدير

شكرا


_________________
[ندعوك للتسجيل في المنتدى أو التعريف بنفسك لمعاينة هذه الصورة]

يارب... يارب... يارب
.....ازرع نضارة الحب في قلبي .. وانزع أي حقد من نفسي

[ندعوك للتسجيل في المنتدى أو التعريف بنفسك لمعاينة هذه الصورة]

3 رد: ليت القدر ماجمعنا أقارب....................... في الخميس يونيو 16, 2011 9:27 pm

Sasou el Barçawia

avatar
Admin
Admin
شكرا لك


_________________
[ندعوك للتسجيل في المنتدى أو التعريف بنفسك لمعاينة هذه الصورة]
http://debila-stars.7olm.org

Seifoooo

avatar
المشرف العام
المشرف العام
مشكـــــــــــــــ بارك الله فيك ووووووررررررر

منية

avatar
merci الله يبارك فيك

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى